Nowy plakat NAŠ ČASNIK (3.dźěl) móža sej šule nětko w Ludowym nakładnistwje Domowina skazać. Na nim su zwobraznjene časniki, kiž wupokazuja jednu hodźinu w 5-minutowym takće. K tomu je stajnje připisane, kak hodźi so čas wotpowědnje prawje serbsce tworić a prajić. Na prawym boku plakata je čas jedneje hodźiny stajnje po minutach po rynku podaty. Jako přikład je jedna warianta k sobu čitanju posłownje napisana. Nowy plakat je w formaće A1 a naslěduje prěni a druhi plakat NAŠ ČASNIK. Je to zdobom posledni plakat tuteje serije.

Plakat dóstanjeće za 5,00 € w Smolerjec kniharni w Budyšinje a w online-wobchodźe Ludoweho nakładnistwa Domowina. Zlóžena wersija plakata w A3 formaće steji na našej internetowej stronje materialien.sorbischlernen.de jako download k dispoziciji.