17 šulerjow 3. a 4. lětnika zakładnych šulow Budyšin, Chrósćicy, Pančicy-Kukow, Radwor, Ralbicy a Worklecy je so pjatk, 17. junija 2022, na „čitanskim dyrdomdeju“ po Budyskich wěžach wobdźěliło. Tři a poł hodźiny běchu dźěći po Budyskim starym měsće po puću, wopytachu Röhrscheidtowu baštu, Staru wodarnju a Mikławšowu wěžu. Připódla zhonichu stawizniske zajimawostki. Kóžda šulerka a kóždy šuler měješe swoju najlubšu serbsku knihu při sebi, z kotrejež tamnym předčita. Wopyt proby lěćneho dźiwadła NSLDź na dworje hrodu, mały piknik na Byrgarskej zahrodźe SLA, zabawne hry a kónčny kwis zarjadowanje skulojćichu.