Walentinska akcija ze serbskimi pismikowymi parličkami bě přewšo wuspěšna. Na njej je so něhdźe 50 swójbow wobdźěliło a při tym nimale 100 Walentinskich debjenkow pasliło. Tak su dźěći a młodostni ze serbskeje Łužicy, ale tež z Hannovera, Drježdźan, Róžanta w Bieletalu, Kamjenca, Berlina, Großenwiehe (blisko Danskeje hranicy), Złeho Komorowa a Choćebuza swoju najlubšu abo swojeho najlubšeho překwapili. Najwoblubowaniši bě napis MAM ĆE RADY. Dalše rjane ideje běchu ŠIBAŁCY, KOPAŃCA, ŁUŽICA, ŠLEJFKA, SWÓJBA, PŘEĆELKA, JANDŹELKO, SYM HŁÓDNY abo KŘIŽER.