Dypkownje k spočatkej noweho šulskeho lěta předleži nowa fibla za šulerjow 1. lětnika. “Naša fibla” je myslena za dźěći rěčneje skupiny 1, kotrež so w serbskej rěči alfabetizuja. Fibla je čitanje wučaca kniha. W fibli zawjedu so pismiki diferencowane z přeco jednej lochkej a jednej ćešej stronu za kóždy pismik. Złóžki słowow so barbne wuzběhnu a rozeznawaja. Na někotrych stronach wobsahuje fibla přidatne zwučowanske poskitki k dźěłu z nazwukowej tabulku. Diferencowane wospjetowanske strony zakónča kóždy fiblowy wotrězk. Po dźělu, w kotrymž so pismiki zawjedu přizamknje so dodatny čitanski dźěl a wobrazowy dźěl ze stawizničkami k rěčenju. Fibla wudospołni so ze zapołoženej nazwukowej tabulku.
Naša fibla je za 16,90 € w Smolerjec kniharni w Budyšinje na předań. Dóstanjeće ju pak tež přez online-wobchod Ludoweho nakładnistwa Domowina.
Naručna klanka Zala
Wodźaca figura noweje fible je mudra sowa Zala.
Naručnu klanku dóstanjeće za 5,00 € w Rěčnym centrumje WITAJ.
Přiłoha k fibli
K nowej fibli poskićimy zaso přiłohu, kotraž wobsahuje wujasnjenja k serbskim pismikam kaž tež jednotliwe sady z wudospołnjacymi wokablemi, kotrež su w fibli w formje wobrazow předstajene.
Přiłohu dóstanjeće darmotnje w Rěčnym centrumje WITAJ.
Kołki z mudrej sowu Zalu
Nětko předleža do ruki wučerjow w 1. lětnikach kołki z wodźacej figuru noweje fible. Mudru sowu Zalu nadeńdźeće na 5 kołkach z rozdźělnymi motiwěrowacymi wuprajenjemi.
Sadźbu kołkow dóstanjeće za 8,00 € w Rěčnym centrumje WITAJ.
