Kaž hižo připowědźene, je w rjedźe licencnych wudaćow nakładnistwa Klett nětko dźěłowy zešiwk matematiki za 3. lětnik wušoł. Něhdyša wučerka Ralbičanskeje zakładneje šule Weronika Statnikowa je jón do serbšćiny přełožiła.
Dźěłowy zešiwk skići
- nadawki ze wšitkich žadanskich wobłukow na 100 stronach,
- pjeć stronow za wospjetowanje,
- šěsć stronow za trenowanje hłowy,
- wuslědki za samokontrolu a
- serbsko-němski słowničk na štyrjoch stronach.
Dźěłowy zešiwk je za 8,50 € w Smolerjec kniharni w Budyšinje abo přez online-wobchod Ludoweho nakładnistwa Domowina na předań.
