We wučbnicowym rjedźe “Serbšćina” je za šulerjow 2. lětnika rěčneje skupiny 2 nowy zwučowanski zešiwk wušoł, kotryž koresponduje z wučbnicu Serbšćina 2. Zešiwk wobsahuje zwučowanja a nadawki k skrućenju alfabeta, k trenowanju čitanskeho zrozumjenja, k rozšěrjenju słowoskłada kaž tež k wuwiwanju techniki pisanja a k přiswojenju metodow za předźěłanje tekstow. W zešiwku je awdijo CD, na kotrejž su teksty z wučbnicy a někotre spěwy natočene.
Na kóncu wjacorych lekcijow zwučowanskeho zešiwka su kontrolne strony zatwarjene, kotrež hodźa so k zwěsćenju wukonoweho stawa, k samokontroli abo jako zjeće tematiki wužiwać.
Zwučowanski zešiwk je za 8,90 € w Smolerjec kniharni w Budyšinje na předań. Dóstanjeće jón pak tež přez online-wobchod Ludoweho nakładnistwa Domowina.
