Rěčny centrum WITAJ je přehlad aktualneje a wužiwajomneje pedagogiskeje literatury a wučbnych srědkow zestajał a předpołoži z tym wšitkim zajimcam orientacisku přiručku, kotraž so kóždolětnje aktualizuje. Po zwučenym wašnju su wučbnicy, dźěłowe zešiwki a přiručki předstajene. Krótke pokazki na wosebitosće jednotliwych titulow abo wučbnicowych rjadow pomhaja zajimcej so orientować. Wosebje wuzběhnjene su nowowudaća. Zapřijaty je tež dodatny a wučbu wudospołnjacy material, kotryž hodźi so na najwšelakoriše wašnje za přiswojenje serbskeje rěče wužiwać a kotryž posrědkuje wědu wo Serbach, jich stawiznach a kulturje. Su to na přikład zynkonošaki, DVDje, maćiznowe zběrki a mapy, dźěłowe a kopěrowanske łopjena abo hry najwšelakorišeho razu, tež moderne kompjuterowe. Předstajeny a poskićeny dodatny material hodźi so přez podate adresy skazać a kupić.
Poskitk za wuknjacych a wučacych
By obersorb|2019-06-18T11:09:09+00:00Juni 18th, 2019|Uncategorized @sb|Kommentare deaktiviert für Poskitk za wuknjacych a wučacych