Na doporučenje a z podpěru Rěčneho centruma WITAJ je Sakske statne ministerstwo za socialne a škit přetrjebarjow wudało brošurku „Pój won ― hraj sej ze mnu! Hry wonka před durjemi.“
Statna ministerka Barbara Klepsch da brošurce slědowace słowa na puć:
„Lube holcy a lubi hólcy,
wšojedne, hač słónco swěći, so dešćuje abo sněži. Wonka hrać je zajimawše hač nutřka sedźeć. Wonka njewostanješ dołho sam. Spěšnje přińdu přećeljo ze susodstwa …
Lubi starši,
naša brošurka wopřija hry za dźěći a młodostnych. Mnohe z nich su klasiske, su hry, kotrež sće snano sami w swojim dźěćatstwje abo w młodosći hrali. Dopominaće so hišće na to? Powědajće tola swojim dźěćom, kelko wjesela sće tehdom měli. Tak budu hry před chěžinymi durjemi spěšnje witana alternatiwa za PC-hry abo dźěćace kanale w telewiziji, za Waše dźěći a za Was.
Přeju Wam a Wašim dźěćom při hrach před chěžinymi durjemi wjele wjesela.
Barbara Klepsch
Sakska statna ministerska za socialne a škit přetrjebarjow“
