„Rěču serbsce“ je wučbny a wuknjenski material za serbsce wuknjacych wyšich lětnikow a předewšěm za wobdźělnikow na kursach serbšćiny kaž tež za awtodidaktow. Wučbnica wobsahuje teksty z nowej leksiku a k tomu zwučowanja. Posrědkuja so gramatiske znajomosće a zwučowanja ke korektnemu wurjekowanju. Wučbnicy 1 je připołožena CD, kotraž słuži korektnemu wurjekowanju a aktiwnemu nałožowanju rěče.
Wupruwowana wučbnica „Rěču serbsce 1“ je 2018 w 4. nakładźe w LND wušła. Wudawaćel je Domowina, Rěčny centrum Witaj. Wobjim 152 stronow a dwubarbnosć kaž tež ISBN-čisło 978-3-7420-1295-1 a płaćizna 14,90 € so njejsu změnili. Nowe pak je skazanske čisło 0/116/18-4B, pod kotrymž móžeće sej wučbnicu w Smolerjec kniharni kupić abo přez LND skazać.
