22. dny serbskeho dźěćaceho dźiwadła – kooperaciski projekt Rěčneho centruma WITAJ a Załožby za serbski lud – wotměchu so 18./19. meje 2017. Na nich wobdźělichu so dohromady 60 šulerjow Serbskeje zakładneje šule Ralbicy, Serbskeje wyšeje šule Radwor a šulskeju hortow ze Žylowa a Bórkowow/Błota.
W srjedźišću dnjow stejachu dźěłarnički k wažnym zakładam dźiwadźelenja – k improwizaciji a k pohibowanju. Na kóncu předstajichu młodźi hrajerjo něštožkuli ze swojeho repertoira resp. z dźěłarničkow.
Nawod dnjow přewzachu zaso fachowcy Němsko-Serbskeho ludoweho dźiwadła kaž Petra-Marija Wenclowa, Heide-Simone Barth, Teresa Stübnerec, Měrko Brankačk, Torsten Šlosar a Jurij Šiman.
