Šulske socialne dźěło
My šulscy socialni dźěłaćerjo stejimy šulerkam a šulerjam jako dalši narěčny partner k dispoziciji. Zakład našeho dźěła stej spěchowanska směrnica kraja Sakskeje za šulske socialne dźěło a kooperaciske zrěčenje ze šulu. Podpěrujemy zdobom fachowu wuměnu mjez šulemi. Tworimy z kolegu w swójbnym kubłanju team ›socialneho dźěła‹ Rěčneho centruma WITAJ.
tel. 01522 6777485
tel. 01525 1574640
tel. 01522 9292668
tel. 01520 7116100
Na serbskich wyšich šulach we Worklecach, Radworju, Ralbicach a Budyšinje kaž tež na wyšej šuli w Slepom
Na serbskich wyšich šulach we Worklecach, Radworju, Ralbicach a Budyšinje kaž tež na wyšej šuli w Slepom přewodźamy šulerjow a šulerki, z tym zo spěchujemy jich socialne kompetency a skrućamy jich wosobinu. Hdyž maja problemy z druhimi šulerjemi, hdyž hroža špatne znamki abo hdyž njewědźa, kak měło po zakónčenju šule dale hić, so młodostni na nas wobroćeja. Potom dawamy jim impulsy, pokazujemy wšelake móžnosće rozrisanja a moderěrujemy mjez konfliktnymi stronami.
Chcemy, zo swoje starosće sami přewinu
Tohodla sylnimy kmanosće šulerkow a šulerjow, problemy rozrisać a ćeže zmištrować. Kubłamy wujednawarjow a organizujemy prewenciske popołdnja z temami kaž alkohol, seksualita, namóc a předsudki. Staramy pak so tež wo poskitki, w kotrychž stejitej zabawa a zhromadnosć na prěnim městnje: projektowe dny z grafitijowym wuměłstwom, hrajne a paslenske popołdnja, rjadowniske wulěty atd.
