- This event has passed.
Filmowa premjera „Syn Winnetouwa“
31.03.2019 - 16:00-18:00
Přeprošujemy wutrobnje na premjeru serbsce synchronizowaneho filma „Syn Winnetouwa“ njedźelu, 31.03.2019, 16:00 hodź. w „Jednoće“ w Chrósćicach.
Kaž Indian 10-lětny Maks runje njewupada, ale to njewadźi. Maks je Indian, haj samo hłownik! Jeničce jeho kmjen čini jemu starosće: Nan je ze swójbneho tipija wućahnyć dyrbjał a mać chodźi hižo po cuzych šćežkach. Ale nadobo skići so jemu jónkrótna šansa: W lětnim dźiwadle ma so róla syna Winnetouwa znowa wobsadźić. Maks je kruće wo tym přeswědčeny, zo rólu dóstanje a zo budźe potom tež doma wšitko zaso w porjadku. Potajkim započina trenować. Pomhać ma jemu při tym Matej, hólc w jeho starobje, kotryž pak wo Indianach docyła ničo njedźerži …
„Syn Winnetouwa“ je jara lóštny a žiwy swójbny film, kotryž namołwja, za swoje sony wojować. Z wulkim wuspěchom bu na wjacorych narodnych a mjezynarodnych festiwalach publikumej předstajeny.
Serbscy rěčnicy hłownych rólow:
Filip Budar, Julius Janca, Titus Kubica, Milena Šołćic, Mia Hrjehorjec
Lydija Maćijowa, Weronika Butendeichowa, Józef Brězan, Tomaš Cyž, Měrćin Jurenc
Němska 2015
dołhosć: 91 mjeńšin
režija: André Erkau
synchronizacija a mastering: Michał Cyž, SAEK
rěčna režija: Michaela Hrjehorjowa, Rěčny centrum WITAJ
přełožk: Rejzka Delenkowa
grafiske wuhotowanje: MeKoSax GmbH
© Domowina z. t., Rěčny centrum WITAJ 2019
rěčnopedagogiski projekt – doporučeny wot 8 lět