- This event has passed.
Filmowa premjera „Mała wjera“
2.09.2022 - 19:00-21:00
Dźěćacy film „Mała wjera“ bu w kooperaciji mjez Rěčnym centrumom WITAJ, Michałom Cyžom a Załožbu za serbski lud hornjoserbsce synchronizowany.
Přeprošujemy na premjeru kinoweho předstajenja
pjatk, 2. septembra 2022, 19:00 hodź. w Pančicach-Kukowje (wosrjedź wsy, napřećo klóštrej).
Mała wjera je hakle 127 lět a hišće přemłoda, zo by z tamnymi wjerami we Wałpornej nocy při wohenju rejowała. Tohodla sej tam skradźu doleći a – bu lepjena! Jako chłostanje dyrbi w běhu jednoho lěta wšě 7892 kuzłarske hrónčka z tołsteje knihi z hłowy nawuknyć a dopokazać, zo je dobra wjera. Ale što wučini dobru wjeru? Hromadźe ze swojim přećelom, rapakom Abraxasom, so na dyrdomdej zwaži, wuknje pilnje wšě hrónčka a pyta za wotmołwu na prašenje …
„Mała wjera“ je lóštny a žortny swójbny film, połny šarmantnych pryzlow a kuzłarsko-magiskich wokomikow. Wuběrni hłowni hrajerjo a bajkojte wuhotowanje skulojća filmowe dožiwjenje. Z wulkim wuspěchom so film na narodnych a mjezynarodnych festiwalach publikumej pokaza.
Za přihladowarjow wot 8 lět.
Němska 2018 | dołhosć: 103 mjeńšinow | režija: Michael Schaerer
synchronizacija a mastering: Michał Cyž
rěčna režija: Michaela Hrjehorjowa
přełožk: Lubina Hajduk-Veljkovićowa
© Załožba za serbski lud 2022
© Domowina z.t., Rěčny centrum WITAJ 2022