Za šulerjow 9. a 10. lětnika na wyšich šulach w Sakskej předleži k nowemu šulskemu lětu nowa serbska wučbnica za katolsku nabožinu “Žiwjenje wobohaćić 3”. Jedna so wo licencne wudaće nakładnistwa Klett.
Nowa kniha wobsahuje 9 kapitlow k sćěhowacym temam: 1 Sebje samoho zeznać – zhromadnje z druhimi, 2 “Za to njej(sym) zamołwity!” abo “Što mje to stara?”, 3 Je tam něchtó? Wo Bohu přemyslować, 4 Jězus – što biblija wo nim praji, 5 Žiwjenje a smjerć – křesćanske předstawy wo wěčnosći, 6 Na zašłosć spominać – cyrkej w nacionalsocializmje, 7 Cyrkej dźensa – pohóršk a znamjo nadźije, 8 Fascinowaca cuzosć – hinduistiske a buddhistiske tradicije, 9 Wěra 4.0 – formy pytanja za zmysłom a spomóženjom.
Z wučbnicu Žiwjenje wobohaćić 3 předleži nowy, moderny material za šulerjow a wučerjow. Nowa kniha, ze skazanskim čisłom 9/79/26-1A, je za 26,95 € w Smolerjec kniharni w Budyšinje na předań.
