W LND je wušła nowa dźěłarnička na temu bajki. Wona je koncipowana za swobodne dźěło při stacijach we wučbje serbšćiny w zakładnej šuli. Milenka Cyžowa je dźěłarničku zestajała.
W dźěłarničce zaběraja so wuknjacy při dźesać stacijach na kreatiwne wašnje z bajkami a serbskej rěču. Hač je to dźěło ze słownikom, stopnjowanje adjektiwow, kóstkowy diktat abo křižowka, dźěći změja tu zawěsće swoje wjeselo při wotkrywanju bajkow. Přidatnje móža z pomocu BOOKii po słuchanskich šćežkach bajki słuchać a swoju wědu wo bajkach w kwisu přepruwować.
Dźěłarničku dóstanjeće za 19,90 eurow w Smolerjec kniharni abo w online-shopje Ludoweho nakładnistwa Domowina.
