W zhromadnym dźěle z wotrjadom Domowiny ZARI poskićichmy 18. awgusta a 10. nowembra 2025 w Budyšinje a we Wojerecach serbskim kubłarkam a kubłarjam dalekubłanje k temje „Mimika a gestika při imersiwnym posrědkowanju serbšćiny dźěćom w žłobiku a pěstowarni“. Referent Křesćan Schröter, posrědkowar kultury pola ZARI a zdobom dźiwadłowy pedagoga ze specializaciju na clowneriju a pantomimu, wuwědomi kubłarkam wobrazliwje, što zamóže „rěč“ jednotliwych dźělow ćěła wšitko zwuraznjeć. Na to zwučowachu so wobdźělnicy cyle praktisce w tym, kak hodźitej so mimika a gestika w komunikaciji ze serbsce wuknjacymi dźěći wědomje zasadźeć.

Na zarjadowanjomaj wobdźělichu so kubłarki z dźěćacych dnjowych přebywanišćow w Brětni, Budyšinje, Čornym Chołmcu, Drježdźanach, na Horach, w Kulowje, Rownom, Wotrowje a  Wulkej Dubrawje.