Swójbne zetkanje w Budyskim nowym měsće je so njedźelu, 22. měrca 2026, hižo druhi raz wotměło – a je tónkróć hišće wjace swójbow zahorił. Dohromady bě něhdźe 50 dźěći a staršich přišło.
W sportowej hali Johanna Gottlieba Fichtoweje zakładneje šule běštaj Krěsćan Lebza z Rěčneho centruma WITAJ a Manja Gruhn z Kamjentneho domu z.t. zaso wotměnjawy poskitk za pohib natwariłoj. Dźěći móžachu zhromadnje ze swojimi staršimi wšelake stacije wuspytać a hrajkajo aktiwne być. Hač balansowanje, krosnowanje, žonglěrowanje, dalokoskok abo wšelake hry z bulom – za kóždu starobnu skupinu bě něšto pódla. Tež zwučowanja wušiknosće zawjeselichu dźěći a staršich a spěchowachu cyle připódla koordinaciju a wěstotu w pohibowanju.
Nimo sportowych aktiwitow bě tež poskitk informaciskich materialijow za staršich. Dźěći móžachu sej knihi wobhladać a samo sobu domoj wzać.
Druhe swójbne zetkanje pokaza skutkownje, kak derje so lochko přistupny a na pohib wusměrjeny poskitk w měšćanskim dźělu přiwozmje a kak hódne zhromadne aktiwity za swójby su.
