We wobrazowej stawiznje noweho wudaća Lutkow wopytataj Witko a Julka Alenku w swojej zahrodce. Tam jimaj Alenka wšitke kućiki a potajnstwa pokaza, kaž chěžku za jěžika Stanija a hrjadku za zela.
Z nowym spěwom Józefa Donata “Meju mjetać” móža so dźěći na mejemjetanje přihotować.
W nowym serialu “Do serbskeje rěče a kultury so zanurili” rozprawjeja DOMOJnicy wo swojich dožiwjenjach w 9-měsačnym intensiwnym kursu serbšćiny za dorosćenych. Jako prěnja předstaji so Jana Šlechtová, kotraž pochadźa z Českeje. Wona bydli ze swojim čěskim mandźelskim a dźěsćomaj blisko Budyšina. Dźěsći chodźitej do serbskeje šule resp. pěstowarnje.
Lutkam připołožena je memo-hra “Serbske nałožki” – 1. dźěl.
SPECIAL 3: Modlitwy a nabožne spěwčki
W rjedźe “Lutki za kubłarki a kubłarjow” je zešiwk za nabožne kubłanje dźěći wušoł. Wón wobsahuje
- zestawu serbskeje literatury za nabožne kubłanje mjeńšich dźěći
- modlitwy a kěrluše we wšědnym dnju
- modlitwy, kěrluše a stawiznje w běhu cyrkwinskeho lěta
Zešiwk steji w digitalnej formje na našej internetowej stronje k dispoziciji.
