“Hober Witko” je titul wobrazoweje stawizny, kotruž je Měrćin Wjenk spisał. W njej powěda wowka Witkej, zo je hober Sprejnik město Budyšin natwarił. A zo je tutón hober z prokom kłoki do łužiskich horow třělał, z kotrychž woda žórleše, jako ludźo kłoki zwućahachu. Tak nasta rěka Sprjewja.
Wowka powědaše stawizničku tak zajimawje, zo bě Witko wšón napjaty. W nocy so jemu dźiwje a dźiwnje dźiješe, zo bě wón sam hober Sprejnik. To běše dyrdomdej …
Spěw “Wulki kaž hober” je Józef Donat za dźěći spisał a skomponował. Melodiju móžeće přez QR-code wotwołać.
