W aktualnym wudaću serbskeho fachoweho časopisa Serbska šula
- čitajće rozprawu wo dźěławosći Serbskeho šulskeho towarstwa z. t. w lěće 2024,
- pozbudźatej studentaj wučerstwa w swojim přinošku k temje “Zapřijeće a wuznam: Z rěču identitu tworić ”, mnohostronski poskitk terminologijow za serbsku rěč lěpje wužiwać a tak słowoskład w kubłanišćach přez konsekwentne nałožowanje nowych słowow rozšěrjeć,
- rozprawja dr. Justyna Michniuk wo nowym projekće “Rěcny móst”, kotryž ma słužić spěchowanju wjacerěčnosće přez mjezy překročace kubłanje a interkulturelne zhromadne dźěło,
- informuje dr. Jana Šołćina wo šulerskim wubědźowanju “Serbiniada ” za šulerjow a šulerki 8. lětnika Hornjeje a Delnjeje Łužicy, kotrež wotměje so 2025 k prěnjemu razej w Budyšinje a kotrež ma serbšćinu přesahujo słowjanske rěče zwjazować.
Nimo toho rozprawjamy wo projektach Rěčneho centruma WITAJ a předstajimy nowe materialije.
