Za šulerki a šulerjow 1. lětnika předleži nowy přidatny material k fibli. Nadźěłany material je za rěčnu skupinu 1, kotraž so w serbskej rěči alfabetizuja a fiblu hłownje jako zakładny wuknjenski srědk wužiwa.
Material předleži jako A4 zešiwk a wobsahuje šěsć jednotliwych kontrolow:
- kontrola – pismiki a do n
- kontrola – pismiki o do d
- kontrola – pismiki w do r
- kontrola – pismiki h do g
- kontrola – pismiki č do ń
- kontrola – pismiki př do tř
“Kontrolne łopjena” su wudospołnjacy material k fibli a dadźa so wšelako do wučby integrować. Doporučamy, zo kontroluje wučer/wučerka wědu šulerjow po mjenowanych ćežišćach, tak zo móža šulerjo pismiki systematisce wospjetować a swoje znajomosće pohłubšeć. Kóžda kontrola wobsahuje nadawki, kotrež su šulerjam hižo znate, kaž: nakřižikować, wumolować, złóžki zwjazać abo zarysować, čitać a pisać.
Wudospołnjacy material móžeće sej w Rěčnym centrumje WITAJ za 2 € kupić.
