Wušła je wučbnica za wuknjacych zakładnych kaž tež wukonowych kursow maćernorěčneje serbšćiny na Serbskim gymnaziju w Budyšinje z titulom „Rěč a identita”. Wona wopřija wjacore wobłuki dokoławokoło rěče a z njej zwjazanej serbskej identitu.
Prěni wobłuk wopřija literarne twórby z tematiku maćerneje rěče. Přichodny wjetši kapitl wopřija temu dwurěčnosć, wjacerěčnosć a wšelakore móžnosće přiswojenja rěče. Dale ma šuler/ka składnosć, sej zdobyć dohlad do wuwića a stawiznow rěče. Posledni wobłuk je retorika. Šuler/ka nawuknje krok po kroku swójske narěče pisać a přednošowanje zwučować. Ale tež najrozdźělniše přikłady narěčow za analyzu su zapřijate. Wučbnica wudospołnja so z přehladom gramatiki a krótkim ekskursom wo stilistice. Wučbny material poskićuje šěroke wuchadźišćo za naročny přihot na ertne abo pisomne pruwowanja w předmjeće serbšćina a z tym na wuspěšne złoženje matury.
Awtorka a zestajerka wučbnicy je wučerka SGB Sylwija Šěnowa. Wobjim knihi wučinja 172 stronow. Wona je za 19,90 € w Smolerjec kniharni abo w online-wobchodźe Ludoweho nakładnistwa Domowina na předań.
