Nowa zběrka materialijow za serbsko-němske zakładne šule wobsahuje planowanske přikłady (na př. k temam: Wjedro, Woheń, Lěs), wuknjenske nadawki (na př. k temam: Swobodny kraj Sakska, Twarske plany, Přeprošenje) a dalše přidatne materialije za serbšćinu, matematiku a wěcnu wučbu. Zběrka je do dalokeje měry na wšelake rěčne niwowy wusměrjena. Wona da nastorki za diferencowanu a inowatiwnu dwurěčnu wučbu a móže swójske wuwučowanske kompetency podpěrać kaž tež pohon za nowe a kreatiwne ideje być.
Rjadowak je nastał we wuskim zhromadnym dźěle mjez zarjadom za šulu a kubłanje (LASUB) a Rěčnym centrumom WITAJ.
Materialowu zběrku dóstanjeće bjezpłatnje w Rěčnym centrumje WITAJ.
