Pjatk a sobotu, 18./19. septembra 2020, wotmě so w domje Jurja Brězana w Hornim Hajnku k 3. razej serbska comicowa dźěłarnička. Znaty ilustrator Stefan Hanuš zawjedźe 20 šulerjow 3. do 7. lětnika do potajnstwa rysowanja comicow. Pod jeho nawodom wuspytachu so šulerjo sami a rysowachu wšelake figury, pohiby, gestiki a mimiki. Zahorjeni a ze samorysowanej stawizničku podachu so dźěći domoj.
Wulkeho zajima dla planujemy za klětu podobna dźěłarnička.
