Pod hesłom „Knihi su zastupny lisćik do raja fantazije“ chcychmy lětsa k 16. razej čitanske wubědźowanje za šulerjow 3. lětnika přewjesć. 22 najlěpšich čitarjow a čitarkow wšěch serbskich zakładnych šulow měješe so sobotu, 28. měrca 2020, w Smolerjec kniharni při kónčnym wurisanju wo 1. městno wubědźować.

Wšitko bě spřihotowane, zarjadowanje pak njesmědźeše so přewjesć. Tuž wopyta naša zamołwita projektowa sobudźěłaćerka Michaela Hrjehorjowa nětko šule a přepoda knižne myta jako dźak delegowanym šulerjam za pilny přihot na wubědźowanje.