Wo čim čitamy w Płomjenju? W aktualnym wudaću zhonimy mjez druhim
- wo štyri žonach, kiž su přez Atlantiski ocean wjesłowali,
- zo je měr wjace hač njepřitomnosć wójny,
- wo industriji we Łužicy – něhdy a dźensa,
- kak zhotowi kuchar Tomaš słódny guacamole-dip, štož woznamjenja tak wjele kaž awokado-juška,
- wo dožiwjenjach Marije-Terezy Krawžic w rěčnej šuli w Mexiku,
- wo jutrownych nałožkach po wšěm swěće,
- wo ramadanje, póstnym měsacu muslimow
a čitajće tež powědančko „Samotna myška“ z pjera Miriel a Měrćina Wjenkec.
Wosebitosć: Tute wudaća dawa najprjedy jónu online, doniž dźěći zešiwk w šuli njedóstanu.