Hdźež rěč wožiwi
Organizujemy mnohostronske projekty za spěchowanje rěče w formje wubědźowanjow, swjedźenjow a wólnočasnych aktiwitow. Tak zmóžnjamy serbsce a němsce wotrosćacym dźěćom a młodostnym, serbšćinu tež zwonka swójby a kubłanišća dožiwić a nałožować – a to z atraktiwnymi dožiwjenjemi w žiwych rěčnych rumach.
Serbšćinu cyle indiwiduelnje dožiwić
Z projektami a rěč spěchowacymi poskitkami so nam poradźi, zo so dźěći w dnjowym přebywanišću a w šuli z bohatej serbskej kulturu zaběraja a ju na swoje wašnje interpretuja.
Serbšćinu lóšo wuwučować
Naš zaměr je, dźěło kubłarkow a kubłarjow w pěstowarnjach a hortach přez wuwiće didaktiskich materialijow podpěrać. Stajamy jim hry, kolenowe knižki, spěwniki a stawiznički k dispoziciji. Tute maja jim posrědkowanje serbšćiny woložić. Tež dalekubłanske poskitki su na to wusměrjene.
Pod projekty namakaće zańdźene kaž tež aktualne projekty Rěčneho centruma WITAJ.