- This event has passed.
Dny serbskeho dźěćaceho dźiwadła
18.05.2017 - 9:30-19.05.2017 - 13:00
Dny serbskeho dźěćaceho dźiwadła – kooperaciski projekt Rěčneho centruma WITAJ a Załožby za serbski lud – wotměja so lětsa hižo k 22. razej. Na nich wobdźěla so dohromady 60 šulerjow Serbskeje zakładneje šule Ralbicy, Serbskeje wyšeje šule Radwor a šulskeju hortow ze Žylowa a Bórkowow/Błota.
W srjedźišću dnjow steja dźěłarnički k wažnym zakładam dźiwadźelenja – k improwizaciji a k pohibowanju. Na kóncu předstaja młodźi hrajerjo něštožkuli ze swojeho repertoira resp. z dźěłarničkow.
Nawod dnjow přewzaja zaso fachowcy Němsko-Serbskeho ludoweho dźiwadła kaž Petra-Marija Wenclowa, Heide-Simone Barth, Teresa Stübnerec, Měrko Brankačk, Torsten Šlosar a Jurij Šiman.
Štwórtk wječor dožiwja wobdźělnicy wosebite wjedźenje po měsće pod motom “… pod dłóžbu Budyšina”.