Pruwowanje za Rěčny certifikat hornjoserbšćiny

Sobotu, dnja 06.03.2021, přewjedźemy w Budyšinje pruwowanja za Rěčny certifikat hornjoserbšćiny na niwowowymaj schodźenkomaj A1 a B1 pod wobkedźbowanjom hygieniskich předpisow. Přizjewjenja přijimuja so hač do 12.02.2021 přez přizjewjenski formular na internetowej stronje www.sprachzertifikat-sorbisch.de.

Rěčny certifikat eksistuje za hornjoserbšćinu a delnjoserbšćinu. Pruwowanja za hornjoserbski certifikat přewjedu so kóžde lěto w nalěću a nazymje. Před 5 lětami přewjedźeštej našej wědomostnej sobudźěłaćerce prěni raz pruwowanja za Rěčny certifikat hornjoserbšćiny na schodźenku A1 respektiwnje A2. Tehdy wobdźěli so 6 zajimcow. Z lěta 2018 spožči so certifikat tež na schodźenku B1. Dohromady 36 ludźi z Němskeje, Čěskeje, Pólskeje, Awstriskeje, Francoskeje a USA je so hač dotal wo Rěčny certifikat hornjoserbšćiny prócowało.