- This event has passed.
Předčitanski dźeń
18.11.2016
| FreePřistajeni Domowiny a Rěčneho centruma WITAJ předčitaja w pěstowarnjach a zakładnych šulach ze swojich najlubšich serbskich knihow.
Lětsa přewjedźe so k 13. razej po cyłej Němskej “Předčitanski dźeń”. Zajimcy čitaja před dźěćimi ze swojich najlubšich knihow a posrědkuja z tym swoju zahoritosć za čitanje. Přistajeni Domowiny a Rěčneho centruma WITAJ so lětsa wospjet na projekće wobdźěla a čitaja ze swojich najlubšich serbskich knihow před pěstowarskimi dźěćimi w Sulšecach, Pančicach-Kukowje, Njebjelčicach, Njeswačidle, Budyšinje, Radworju, Myšecach a Drježdźanach kaž tež před šulerjemi zakładnych šulow w Budyšinje, Pančicach-Kukowje, Barće, Wulkej Dubrawje, Ralbicach a Chrósćicach.