- This event has passed.
Swjedźeń serbskeje rěče
20.09.2017 - 9:00-12:00
K 12. razej přeprošujemy šulerjow 4. lětnika, kiž wuknu serbšćinu jako cuzu rěč, na swjedźeń serbskeje rěče do Radworja. Wočakujemy 114 šulerjow zakładnych šulow Radwor, Bukecy, Bošecy, Bart, Wulka Dubrawa, Wojerecy a Slepo. Za nich smy wšelake stacije kołowokoło serbskeje rěče a kultury přihotowali. Serbska hudźba, reja a drasta, serbske instrumenty, dźiwadło a wušiwanje ― do wšitkich tutych wobłukow móža so šulerjo w dźěłarničkach zanurić. Přewjedźe so tež rallye po wsy a redaktor Płomjenja pokaza, kak časopis nastanje.
Wučerkam poskići so za čas dźěłarničkow dalekubłanje z Lenku Thomasowej k nowym serbskim spěwčkam za pěstowarnju a hort.