Staršiski wječor k temje: Digitalnje wotrostować

pjatk, 06.11.2026 | 19 hodź. | „Jednota“ Chrósćicy

referent: Marcel Burghardt | Social Web macht Schule

Kumštna inteligenca wobwliwuje naš wšědny dźeń a jeje wuwiće razantnje postupuje. To njepotrjechi jenož dźěłowy swět abo šulu, ale tež kóždeho jednotliwca. Kotre šansy skića KI a kak přiswojeja sej dźěći KI-kompetencu? Kak wobchadźeja z deepfakami, padustwom identity, wirtuelnymi influencerami a chatbotami?

Na staršiskim wječoru chcemy

• rizika kumštneje inteligency nastupajo social media, deepfakes, cybermobbing, cybergrooming, chatboty a wirtuelne avatary wujasnić,
• na šansy a hranicy KI-nałožowanjow pokazać a wo towaršnostnych a indiwidualnych wuskutkach KI rěčeć,
• puć za konstruktiwny wobchad z KI jako dźěłowy grat w swójbje a šuli runać,
• staršim pokiwy, doporučenja a digitalne graty do ruki dać, kotrež jim pomhaja, dźěćom zamołwity wobchad z WhatsApp, TikTok, Brawl Stars, Fortnite & Co. kaž tež časy za wužiwanje medijow a nastajenja za datowy škit sposrědkować.

Zarjadowanje wuhotujetej Sakske statne ministerstwo za kultus a Krajny zarjad za šulu a kubłanje, wotnožka Budyšin, w kooperaciji z Rěčnym centrumom WITAJ.