Literarne teksty stejachu w srjedźišću dalekubłanja štwórtk, dnja 4. hodownika 2025, w Budyšinje. Serbska docentka rěčnych kursow na TU Drježdźany a awtorka Lubina Hajduk-Veljkovićowa předstaji přitomnym najwšelakoriše dźěłowe łopjena, kotrež je za wobjednawanje serbskich knihow “Znowa namakany přećel”, “Krabat a čorny mištr”, “Animal farm abo hotowe swinstwo”  a “Mała wjera” z nakładnistwa Veles w šulskej wučbje zdźěłała. Při tym je so złožowała na aktualny wučbny plan za serbšćinu a tam zapisane naroki. Dwanaće wučerjow a wučerjow wyšich šulow z Worklec, Ralbic, Budyšina a ze Serbskeho gymnazija bě do sydarnje RCW přišło. Zarjadowanje skónči so w žiwej a wotewrjenej wuměnje, w kotrejž so mjez druhim nastorki a ideje zrodźichu, kak móhli serbske literarne teksty šulerjam tež z pomocu słuchanskich tekstow, kiž šulerjo nahrawaja, zbližić. Organizowałoj běštej dalekubłanje fachowej poradźowarce za serbšćinu Milenka Ertelowa a Katka Bukowa w nadawku LaSuB.