W nowym wudaću Lutkow wuleća sej Witko, Julka a Alenka z wulkej parnej lokomotiwu do horow. Što naši třo přećeljo při pućowanju na horu wšitko dožiwichu, zhonja dźěći a starši w napjatej stawiznje z pjera Jakuba Barča, kotrejž je Sarah Wićazec rysowanki k wumolowanju přidała.
Dale smědźa so dźěći na porstowu baseń “Słónčna róža při płoće” a spěw Fabiana Kaulfürsta “Lutki maja wulku party” wjeselić.
Starši zhonja w 3. dźělu přinoška “Serbska rěčna praksa w dwurěčnych swójbach” wo wuslědkach z interviewow dr. Sary Mičkec ze staršimi a dźěćimi serbsko-němskich swójbow. Nimo toho předstaja so towarstwo Drježdźanskich Serbow “Stup dale” a informuje wo swojich hłownych zaměrach a wužadanjach kaž tež wo swojich přećach a planach do přichoda.
