Pśedstajenja k ptaškowej swajźbje su pórucenje Serbskego ludowego ansambla Budyšyn. Rěcny centrum WITAJ jo kooperaciski partnaŕ za wšykne źiśece zarědowanja w Dolnej Łužycy.

Ptaškowa swajźba 25. januara jo typiski górnoserbski nałog. Ptaški se symboliski źiśam wuźěkuju za zymske futrowanje. Źiśi dostanu małe słodkosći (sroki, baiserptaški, kremowe gnězda). W Dolnej Łužycy swěśe wósebnje źiśownje a šule toś ten rědny nałog. Pśi tej góźbje woglědajo k nam kužde lěto  Serbski ludowy ansambel Budyšyn z wjelgin pisanym programom w Dolnej Łužycy. Zwětšego pórucyjo swóje programy dwójorěcnje (serbski/nimski). Kužde lěto jo to wjerašk za źiśi wu nas.

cilowa kupka: WITAJ-źiśownje a serbšćinarje/-ki 1. do 7. lětnika
cas: januar
kapacita: někak 1400 městnow