Leksikon „Serbske předmjena – Serbske pśedmjenja – Sorbische/wendische Vornamen“ wopśimujo něźi 1.200 pśedmjenjow, kótarež su se w serbskorěcnem rumje wužywali a kótarež se wužywaju. K tomu słušaju serbske mjenja bibliskego póchada rowno tak ako mjenja z drugich słowjańskich, nimskeje a dalšnych rěcow. Kśě-li starjejše swójomu góleśu serbske pśedmě daś, póbitujo leksikon korektny pšawopis, a wóni njetrjebaju se južo sami wó dopokaz za to staraś. Z tym ma leksikon wuraznje słužyś k pózbuźowanju a k wóžywjenju wužywanja serbskeje rěcy.
Serby maju pšawo, swójo mě w maminej rěcy amtski zapisaś daś. Z lěta 1997 jo to w Kazni wó změnje mjenjow za pśisłušnikow mjeńšynow rědowane. Za to twóri nowy leksikon, kenž jo naźěłał awtor p. d. dr. Timo Meškank zgromadnje z Rěcnym centrumom WITAJ, k prědnemu razoju awtorizěrowany zakład.
Leksikon dostanjośo ako brošuru w Rěcnem centrumje WITAJ. Źěła se teke na online-wersiji, kótaraž zmóžnja stawne rozšyrjanje leksikona.
