W aktualnem wudaśu serbskego fachowego casopisa Serbska šula
- rozpšawja Alexander Draguła, rěcny pedagog RCW w Chóśebuzu, wó certifikaciji znajobnosćow dolnoserbskeje rěcy a analyzy zmólkow w pisanju, kótarež su wótbłyšć wuknjeńskego procesa,
- pśedstajamy nowosći, z kótarymiž startuju wuknice a wukniki w Dolnej a Górnej Łužycy lětosa do nowego šulskego lěta,
- zgónijomy w rozpšawje wjednicy Serbskeje wušeje šule Worklecy Diany Šołćineje, až maju se MINT-pórucenja a kooperacije na šuli wustajiś, aby mógali tam teke w pśichoźe zaměry – wědomnosć wobglědowaś a slěźaŕske wjasele wubuźiś – dojśpiś,
- informěrujo Křesćan Lebza, socialny źěłaśeŕ za familijowe kubłanje w RCW, mjazy drugim wó swójom komunikaciskem bliźe, kótarež póbitujo stawnje pónjeźele wótpołdnja na Žytnych wikach w Budyšynje,
- recensěrujo Justina Michniuk pupku Lingufino drježdźańskeje firmy Dialog Toys glědajucy na potenciale a granice jeje wužywanja w dolnoserbskej rěcnej wucbje.
