Lětosny tśidnjowski kurs za wótkubłaŕki a wótkubłarje jo se wótměł w septembrje a oktobrje na tśich terminach (dwa za pókšacowanych, jaden za zachopjeńkarjow). Tema jo był „Strowe zežywjenje”. Kursisty su se w głownem pśiswójli a zwucowali słowoskład, su pśipódla wóspjetowali znajobnosći w gramatice a su źěłali z tekstami. Rěcne zaběry su byli wusměrjone na praksu w źiśownjach a hortach, togodla njejsu felowali rěcne graśa a nowe spiwy. Na kursu jo se wobźěliło 22 wuknjecych.