26. oktobra 2017 jo se zakóńcyło slědne ze styrich dalejkubłanjow za hortnarki a źiśownice, kenž jo organizěrował Rěcny centrum WITAJ Chóśebuz. Dwě dalejkubłani stej byłej w septemberje, dwě w oktoberje. Na wšyknych styrich rěcnych dalejkubłanjach jo se wobźěliło dogromady 32 źiśownicow a hortnarkow. Tenraz smy pórucyli teke nowy segment w dalejkubłanjach, na kótaremž su źiśownice a hortnarki wuknuli spiwaś nowe jim njeznate źiśece spiwy. Ten muzikaliski kurs jo wugótowała Marion Kwicojc.
