27. oktobra 2017 jo se wótměła druga debata Rěcnego centruma WITAJ Chóśebuz „JO!ZATEBJE“ za toś to lěto. Ako wósebnego gósća smy kněza prof. Martija pśepšosyli. Na toś tej runźe jo se wobźěliło 10 wósobow. Kněz prof. Marti jo póbitował zawod do tematiki stawizniskego rěcnego planowanja dolnoserbskeje rěcy, do preskriptiwnych a deskriptiwnych gramatiskich gibanjow. Diskusija pak jo se koncentrěrowała głownje na aktualne zjawy serbskeje rěcy.
Profesor Marti jo wobkšuśił, až rěcne planowanje se twóri wót elitow, mjaztym až jo rěcny management wšedny zjaw, kenž wobstoj z: 1) markowanja, 2) wugódnośenja, 3) wuźěłanja plana pśeměnjenjow, 4) zwopšawdnjenja a 5) feedback.
