Dokulaž jo južo woblubowana tradicija, smy teke lětosa pśewjadli gódowny projekt w Serbskem muzeju Chóśebuz. Wót 3. do 5. decembra a we wuskej kooperaciji z muzejom smy organizěrowali tśi stacije za pśisamem 180 wuknikow 3. lětnika z 11 šulow. Pśi muzikowej staciji z Geraldom Schönom su źiśi nawuknuli serbske spiwy wó zymskem a gódownem casu. Wjeźenje pó stawnej wustajeńcy muzeja, zwězane z kupkowym workshopom, jo druga stacija była. Wjerašk stej byłej woglěd a žognowanje pśez Janšojskego boga, za což su se źiśi wuźěkowali ze spiwami a gronkami w serbskej rěcy.
