09., 23. a 26. nowembra 2024 jo se pśewjadło rěcnodidaktiske dalejkubłanje za wótkubłaŕki a wótkubłarje źiśownjow a hortow k temoma Błota a serbske powěsći. Zakład dalejkubłanja jo był nowy dwójorěcny material „Powěsći w Błotach“. Z pomocu wobrazowego materiala toś togo wobšyrnego zarědnika jo se nowy tematiski słowoskład naźěłał. Pśez wěcne teksty, graśa, gódańka a wšake zwucowanja su se pótom nowe słowa we wšakorakich zwiskach zwucowali. Wušej togo su se dali praksisowe pśikłady za pósrědnjenje tematiki źiśam. Se wě, až jo se zarědowanje teke wužyło za wuměnu nazgónjenjow a zajmne rozgrona.
