Pětk, 22. nowembra 2024, su se někotare serbske familije zmakali, aby gromaźe warili. W kuchni Dolnoserbskego internata jo pěś źiśi a sedym dorosćonych pód nawjedowanim Joanny Szczepańskeje pśeźěłało śěsto a formowało wšake kulkowe a mukowe klejze, za wětšy źěl pó pólskej wašni, to groni z twarogom a teke z banju. Za tym až se klejze zwarili, su se wšykne zesedali za blido a gromaźe jědli. Klejze pólate z griboweju jušku abo pósypane z trěteju gusku a cymtom su byli wósebna chłošćonka.
