Pětk, 29.11.2024 pśepódajo Rěcny centrum WITAJ we wobłuku pósejźenja Zwězkowego pśedsedaŕstwa Domowiny w Kulowje prědny raz wósebne pśipóznaśe młodeje ekscelence w dolnoserbšćinje. Z toś tym pśipóznaśim cesćitej se wósebny angažement pśi nawuknjenju dolnoserbskeje rěcy a wobstaśe certifikatnego pśespytowanja za dolnoserbšćinu pó Zgromadnem europejskem referencnem ramiku za rěcy nanejmjenjej na niwowje C1 z predikatom „Derje“ abo „Wjelgin derje“. Toś to wósebne pśipóznaśe stej se zasłužyłej Maja Melcherojc a Maksimilian Hasacki.
