Ako wudospołnjenje južo pśez internetowu prezencu Rěcnego centruma WITAJ k dispoziciji stojecych wideo a datajow z tekstami a notami jo se něnto pśewóźowański zešywk wózjawił. Toś ten material wót Marion Kwicojc jo wužytna pódpěra pśi spiwanju a muzicěrowanju w serbskej rěcy. Wón wopśimjejo pěśapěśźaset źiśecych spiwow – ako pśełožki z nimskeje rěcy tak teke originalne serbske titele w pśecej dwěma wusokosćoma głosa.
