Pśed krotkim jo se dolnoserbska wersija onlinepśełožowańskego programa sotra zjawnosći spśistupniła. Něnto dajo browserowe rozšyrjenje k direktnemu pśełožkoju markěrowanego źěla internetowego boka z a do dolnoserbšćiny. Rozšyrjenje jo w Edge abo Chrome web-storu. Link namakajośo pak teke pód sotra.app. Pó instalaciji móžo se tekst za pśełožk markěrowaś. Pótom móžo se z kliknjenim na pšawu tastu myški „pśełožyś“ wubraś. Pśełožk pokažo se na to w separatnem woknyšku, źož jo teke móžno, směr pśełožowanja změniś.