Teke lětosa smy wuspěšnje pśewjadli certifikaciju dolnoserbskeje rěcy. Smy zasej mógali testowaś wšykne styri stopjenje: A1, A2, B1 a B2. Dogromady jo certifikaciju wótpołožyło źewjeś kandidatkow a kandidatow. Styri wót nich su byli ze serbskich institucijow, jadna dalšna ceptaŕka a druge eksterne zajmce serbskeje rěcy. Rezultaty su byli wšako. Pokažo se na nišych niwowach pśecej zasej, až komunikaciske zamóžnosći njejsu hyšći wuwite. Na to by snaź dejali wucece w rěcnych kursach wěcej źiwaś. Na wušych niwowach to se pótom pólěpšyjo. Wšykne wobźělnice a wobźělniki su pak certifikaciju z wuspěchom, dobrym a wjelgin dobrym wuspěchom absolwěrowali. K tomu Rěcny centrum WITAJ wutšobnje gratulěrujo a žycy dalej wjele wjasela pśi źěle a zaběrje ze serbskeju rěcu. Pśiduca certifikacija se wótmějo w septembrje 2023.
