Glědajśo, co za was mamy: „Z Witkom wen do pśirody – To graśe“!
Toś to pśirodne wuknjeńske graśe w dolnoserbskej rěcy jo kombinacija z kóstkowego, kórtowego a pógibowańskego graśa. 18 Witko-kórtow, 6 grajnych delkow z barwowyma kóstkoma, 54 wobrazowych kórtkow z rostlinami, z gribami a ze zwěrjetami, 12 slěźeńskich łopjenow z pisakom a z pśirodoslěźaŕskeju plaketu zmóžnijo 6 grajnych wariantow, ako na pśikład „Profesor a jogo slěźaŕska kupka“, „Zelene zele“ abo „9 pólow“. – Grajne rozwjaselenje za 2 do 6 wósobow ako teke za wětšu kupku, nutśi a wence w pśiroźe.
Šule ze serbskeju wucbu, horty a źiśownje mógu toś to graśe pla nas w Rěcnem centrumje WITAJ Chóśebuz dostaś. Gaž žycone, pśiźomy teke k wam, aby pokazali, kak „Z Witkom wen do pśirody – To graśe“ funkcioněrujo.
