Su wujšli źěłowe knigły za serbšćinu ako druga rěc – „Serbska rěc – dobra wěc 1” – wudane pśez Rěcny centrum WITAJ w kooperaciji ze Źěłanišćom za serbske kubłańske wuwijanje Chóśebuz (ABC). Awtorka jo Antje Kellowa. Toś ten material jo zachopjeńk serije mysloneje za wšykne gymnazialne lětniki. Zešywk jo za nejwěcej pókšacowanych wuknikow 7. lětnika. Móžo se wužywaś gromaźe z wucbnicu Pó droze 1. Ku knigłam słuša pśipołožony projektowy zešywk z pšašanjami ku tekstam zaměstnjonym w knigłach „Wuslěźujomy Chóśebuz”. Źěłowy zešywk płaśi 15,90 €, a se pśedawa w Smolerjojc knigłarni w Budyšynje a w LODCE w Chóśebuzu.