Wót 5. do 7. decembra se zasej wótměwa gódowny projekt Rěcnego centruma WITAJ w Serbskem muzeumje w Chóśebuzu. Smy lětosa gósći w Měsćańskem muzeumje, dokulaž se Serbski muzej saněrujo. Wšykno pak wótběžyjo pó zwuconej tradiciji. Serbšćinarje a WITAJ-źiśi z 3 lětnika se wobźěluju na tśich stacijach: muzika, muzikowe instrumenty a serbske gódowne spiwy, wjeźenje pśez wustajeńcu muzeuma z kwisom w serbskej rěcy a pśechwatanje wót Janšojskego boga.
Za to su źiśi nazwucowali basni abo spiwy w serbskej rěcy. Wjele wóni teke zgóniju wó kšasnej drastwje Janšojskego boga. Za źiśi, ceptarki a za nas jo to zasej wjelgin rědny a dostojny projekt.
